Икрамов Миракбар Мирсаитович
1981 йилда Тошкент шаҳрида туғилган.

Маълумоти: олий.
2006 йилда Тошкент авиация институтини маркетолог мутахассислиги бўйича тамомлаган.

Меҳнат фаолияти:
Икрамов Миракбар Мирсаитович меҳнат фаолиятини “Сувсоз” давлат унитар корхонасининг Чилонзор сув тақсимоти бўлими назоратчиси лавозимидан бошлаган.
Шундан сўнг қатор масъул лавозимларда фаолият юритган, жумладан:

• Ўзбекистон Республикаси Транспорт вазирлиги “Ўзавтовокзал Сервис” давлат унитар корхонаси бошлиғининг ўринбосари;

• Ўзбекистон Республикаси Транспорт вазирлиги Тошкент шаҳар транспорт ва йўл-транспорт инфратузилмасини ривожлантириш бош бошқармаси бошлиғи ўринбосари вазифасини бажарувчиси;

• Ўзбекистон Республикаси Транспорт вазирлиги Автомобиль ва жамоат транспорти департаменти бошлиғининг ўринбосари – Жамоат транспорти бошқармаси бошлиғи вазифасини бажарувчиси;

• Автомобиль ва жамоат транспорти департаменти бошлиғи вазифасини бажарувчиси;

• Автомобиль ва жамоат транспорти департаменти бошлиғи.

2024 йилдан Тошкент шаҳар транспорт ва йўл-транспорт инфратузилмасини ривожлантириш бош бошқармаси бошлиғи лавозимида фаолият юритмоқда.

Бошқарма бошлиғининг асосий функционал вазифалари

1. Ҳуқуқий риоя ва умумий раҳбарлик

• Ўзбекистон Республикаси Конституцияси, қонунлари ва бошқа норматив-ҳуқуқий ҳужжатлар талабларига қатъий риоя этилишини таъминлаш.

• Бош бошқарма фаолиятига умумий раҳбарлик қилиш, Президент, Вазирлар Маҳкамаси ҳамда Транспорт вазирлиги топшириқлари ижросини ташкил этиш ва назорат қилиш.

2. Стратегик режалаштириш ва натижадорлик

• Бош бошқарма фаолияти бўйича прогноз кўрсаткичларга эришиш учун амалий чора-тадбирларни ишлаб чиқиш ва жорий этиш.

• Ходимлар ишини режалаштириш: бошқарма ва ўринбосарларнинг чораклик иш режаларини тасдиқлаш ҳамда ижросини назорат қилиш.

• Фаолият самарадорлиги ва натижадорлигини танқидий таҳлил қилиш, ҳисоботларни кўриб чиқиш ва зарур чоралар кўриш.

3. Транспорт тизимини ривожлантириш

• “Тошкент жамоат транспортни 2025 йилгача ривожлантириш концепцияси”ни ўз вақтида, сифатли ва тўлиқ амалга ошириш.

• Жамоат транспортининг барча турларини интеграция қилувчи янги йўналишлар тармоғини жорий этиш, метронинг жозибадорлигини ошириш.

• Йўл-транспорт инфратузилмаси лойиҳаларини ишлаб чиқиш ва уларнинг самарали бажарилишини мувофиқлаштириш.

• Ахборот-коммуникация технологиялари асосида ягона автоматлаштирилган диспетчерлик бошқарув тизимини жорий этиш.

4. Ижро интизоми ва назорат

• ПҚ–2881 (11.04.2017), ПҚ–3962 (05.10.2018) ҳамда ВМ–12 (12.01.1999) ҳужжатлари талабларига мувофиқ ижро интизомини мустаҳкамлаш чораларини амалга ошириш.

• Президент, Вазирлар Маҳкамаси ва Вазирлик топшириқлари, ҳайъат қарорлари ҳамда буйруқларнинг ўз вақтида ва сифатли бажарилишини таъминлаш.

• Прогноз кўрсаткичлар ижросини таҳлил қилиш, қўшимча чоралар бўйича таклифларни Вазирлик раҳбариятига киритиш.

5. Ҳамкорлик ва ташкилий бошқарув

• Маҳаллий ижро органлари ҳамда ижтимоий-иқтисодий ривожлантириш секторлари билан автомобиль, темир йўл, ҳаво ва дарё транспорти йўналишларида ҳамкорликни йўлга қўйиш.

• Ўринбосар ва бошқа мансабдор шахсларнинг ваколатларини белгилаш, уларнинг шахсий масъулиятини таъминлаш.

• Бошқарма бўлимлари ҳамда таркибий ташкилотлар фаолиятини мувофиқлаштириш ва назорат қилиш.

6. Кадрлар сиёсати ва меҳнат интизоми

• Кадрларни танлаш, жой-жойига қўйиш, кадрлар захирасини шакллантириш ва самарали меҳнат шароитларини яратиш.

• Кадрларнинг профессионаллиги ва ахлоқий фазилатларини таъминлаш.

• Рагбатлантириш ва интизомий чоралар бўйича қарорлар қабул қилиш.

• Ходимлар томонидан одоб-ахлоқ қоидаларига риоя этилишини назорат қилиш.

7. Коррупцияга қарши кураш

• “Коррупцияга қарши кураш тўғрисида”ги Қонун доирасида профилактика ва ҳуқуқбузарликларнинг олдини олиш чораларини амалга ошириш.

• Қонунчилик ва амалиётни такомиллаштириш бўйича таклифлар ишлаб чиқиш ва жорий этиш.

8. Қонунчилик ташаббуслари ва давлат хизматлари

• Бошқарма фаолияти бўйича қонунчиликни такомиллаштиришга доир таклифлар киритиш.

• Давлат хизматлари сифати ва улардан фойдаланиш даражасини ошириш бўйича чора-тадбирлар ишлаб чиқиш.

9. Жамоатчилик ва мурожаатлар билан ишлаш

• Жисмоний ва юридик шахслар мурожаатларини кўриб чиқиш, очиқ мулоқот ва шахсий қабулларни ташкил этиш.

• “Жисмоний ва юридик шахслар мурожаатлари тўғрисида”ги Қонун талабларига қатъий риоя этиш.

• Президентнинг Халқ ва Виртуал қабулхоналари билан самарали ҳамкорликни йўлга қўйиш.

10. Молиявий рағбат, махфийлик ва ҳуқуқий ҳимоя

• Ходимларга мукофот, қўшимча тўлов, моддий ёрдам, рағбат ва интизомий чоралар бўйича қарорлар қабул қилиш.

• Давлат сири ва махфий ахборотлар билан ишлашда қонунчиликка риоя этилишини таъминлаш.

• Судлар ва давлат ташкилотларида Бош бошқарманинг мулкий ва бошқа манфаатларини ҳимоя қилиш.

Исмоилов Баxtиёрхўжа Азизхўжаевич
1980-йил 25-декабрда Тошкент вилояти Қибрай туманида туғилган.

Маълумоти: олий.
2017-йилда Тошкент темир йўл муҳандислари институтини “Менежмент (темир йўл транспорти)” мутахассислиги бўйича бакалавр даражасида тамомлаган.

Меҳнат фаолияти:
Исмоилов Баxtиёрхўжа Азизхўжаевич ўз меҳнат фаолиятини Тошкент вилояти Қибрай тумани давлат солиқ инспекцияси инспектори лавозимидан бошлаган.
Шундан сўнг турли масъул лавозимларда фаолият юритган, жумладан:

• “Автомобиль ва дарё транспортини ривожлантиришни норматив-техник таъмилаш Республика маркази” Тошкент шаҳар филиали техникаси, эксперти, директор ўринбосари;

• Ўзбекистон автомобиль транспорти агентлиги Тошкент шаҳар бошқармаси Автомобилларда ташувлар хавфсизлигини назорат қилиш шўъбаси мудири;

• Ўзбекистон автомобиль транспорти агентлиги Тошкент шаҳар бошқармаси Лицензиялаш бўлими бошлиғи ўринбосари;

• Тошкент шаҳар транспорт бошқармаси Лицензиялаш сектори бошлиғи, Лицензиялаш шўъбаси мудири;

• Автомобиль ташувларини назорат қилиш бўлими бошлиғи.

2022-йилдан ҳозиргача Тошкент шаҳар транспорт ва йўл-транспорт инфратузилмасини ривожлантириш бош бошқармаси Автомобиль ташувларини назорат қилиш бўлими бошлиғи лавозимида фаолият юритмоқда.

Транспорт ташувларини мувофиқлаштириш бўлими бошлиғининг асосий лавозим вазифа ва функциялари

1. Стратегик ривожлантириш

1.1. Тошкент шаҳар жамоат транспорти тизимини 2030-йилгача ривожлантириш концепциясини ўз вақтида, сифатли ва тўлиқ амалга ошириш.
1.2. Жамоат транспорти тизимини барча турларини узвий боғлаган ҳолда комплекс ривожлантириш, аҳолининг жамоат транспортидан фойдаланиш даражасини камида икки баробарга ошириш.
1.3. Жамоат транспорти соҳасидаги илғор хорижий тажрибаларни ўрганиш ва амалий таклифлар киритиш.

2. Транспорт тармоғини оптималлаштириш

2.1. Жамоат транспорти ҳаракат таркибини замонавий, экологик тоза автобуслар, жумладан электробуслар билан янгилаш чораларини кўриш.
2.2. Тошкент шаҳрида йўловчи ташиш йўналишлари тармоғини тартибга солиш ва мақбул ҳолга келтириш.
2.3. Йўналишли такси фаолиятини мувофиқлаштириш, шаҳар ва шаҳар атрофи йўналишларини очиш, ўзгартириш ёки ёпиш жараёнларини ташкил этиш.
2.4. Йўловчи оқимидан келиб чиқиб, метро, трамвай, автобус, микроавтобус ва йўналишсиз таксилarning зарур миқдорини белгилаш.
2.5. “Тошкент шаҳрида йўловчи транспорти ҳаракатини ташкил этиш” режасини ишлаб чиқиш ва тегишли ўзгартишлар киритиш.

3. Ташувчилар фаолиятини ташкил этиш

3.1. Йўловчи ташиш фаолияти билан шуғулланувчи транспорт корхоналари ишини ташкил этиш.
3.2. Ташувчилар билан биргаликда йўналишларда мақбул жадваллар, ҳужжатлар ва йўналиш чизмалари тайёрлаб, Бош бошқарма раҳбариятига тасдиқ учун киритиш.
3.3. Йўллар реконструкцияси, автошоҳбекатлар кўчирилиши, янги иншоотлар қурилиши ёки йўловчи оқимларининг ўзгариши билан боғлиқ ҳолда йўналиш тармоғини қайта кўриб чиқиш бўйича таклифлар тайёрлаш.
3.4. Ҳаракат тартиби, жадваллар ва хавфсизлик қоидаларига риоя этилишини, ҳайдовчилар меҳнат ва дам олиш режими назоратини диспетчерлик орқали амалга ошириш.

4. Мониторинг ва хавфсизлик

4.1. Йўналишлардаги йўллар, светофорлар ва йўл белгиларини кузатиш.
4.2. Йўл-транспорт ҳодисалари ёки тиқилишларнинг олдини олиш мақсадида ваколатли ташкилотларга таклифлар киритиш.
4.3. Аҳолининг транспорт хавфсизлиги ва қулайлигини оширишга қаратилган чоралар кўриш.

5. Мурожаатлар ва ҳужжат айланмаси

5.1. Юридик ва жисмоний шахслардан келган ариза, таклиф ва шикоятларни кўриб чиқиш, тегишли таклифлар киритиш.
5.2. Шаҳар йўловчи транспортида айрим фуқароларга бепул юриш ҳуқуқини берувчи ягона гувоҳномалар бўйича тушунтиришлар бериш.
5.3. Бепул юриш ҳуқуқига оид мурожаатларни кўриб чиқиш ва расмийлаштириш.

6. Лицензиялаш ва меъёрий ишлар

6.1. Автомобиль транспортида йўловчи ва юк ташиш фаолиятини шаҳарда, шаҳар атрофида, шаҳарлараро ва халқаро йўналишларда лицензиялаш бўйича аризаларни кўриб чиқиш.
6.2. Бўлим фаолияти доирасидаги низом ва йўриқномаларга ўзгартиш киритиш бўйича таклифлар тайёрлаш.

Жуманиязов Дониёрбек Раҷаббоевич
1988-йилда Хоразм вилоятида туғилган.

Маълумоти: олий.
2011-йилда Тошкент автомобиль йўллари институтини “Касбий таълим (Ер усти транспорт тизими бўйича)” йўналиши бўйича бакалавр, 2013-йилда “Хизматлар соҳаси” йўналиши бўйича магистратура даражасини тамомлаган.

Меҳнат фаолияти:
Жуманиязов Дониёрбек Раҷаббоевич ўз меҳнат фаолиятини “Ўзбекистон темир йўллари” АЖ “Узтемирйўлқурилишмонтаж” УК “Гидротехник иншоотлар қуриш дирекцияси” механиги лавозимидан бошлаган.
Шундан сўнг турли масъул лавозимларда фаолият юритган, жумладан:

• Ўзбекистон Республикаси Транспорт вазирлиги Тошкент вилояти Транспорт бошқармаси Автомобиль транспорти бўлими бошлиғи;

• Ўзбекистон Республикаси Транспорт вазирлиги Тошкент вилояти Транспорт бошқармаси Автотранспорт ташувларини мувофиқлаштириш сектори бошлиғи ўринбосари;

• Ўзбекистон Республикаси Транспорт вазирлиги Тошкент вилояти Транспорт бошқармаси Автотранспорт ташувларини мувофиқлаштириш сектори бошлиғи;

• Ўзбекистон Республикаси Транспорт вазирлиги Тошкент шаҳар транспорт ва йўл-транспорт инфратузилмасини ривожлантириш бош бошқармаси тендерларни ўтказиш бўйича бош мутахассиси.

2024-йилдан Тошкент шаҳар транспорт ва йўл-транспорт инфратузилмасини ривожлантириш бош бошқармаси Транспорт ва инфратузилмасини ривожлантириш бўлими бошлиғи лавозимида фаолият юритмоқда.

Транспорт ва инфратузилмани ривожлантириш бўлими бошлиғининг асосий функционал вазифалари

• транспорт ва инфратузилмани ривожлантириш, шунингдек, автомобиль тўхташ жойларини ривожлантириш соҳасида шаҳар дастурлари ва лойиҳаларини ишлаб чиқишда таклифлар киритиш;

• транспорт ва инфратузилмани ривожлантириш лойиҳаларини ишлаб чиқиш, ушбу лойиҳаларни сифатли амалга ошириш чора-тадбирларини мувофиқлаштириш юзасидан бошқарма бошлиғига таклифлар киритиш;

• транспорт ва инфратузилмани ривожлантириш соҳасидаги илғор хорижий тажрибаларни ўрганиш ва бўлим бошлиғи ҳамда бошқарма бошлиғига таклифлар киритиш;

• жамоат транспорти инфратузилмасини ривожлантириш, замонавий транспорт-ўтиш боғламаларини ҳамда намунавий лойиҳалар асосида автобус бекатларини ташкил этиш, жамоат транспорти ҳаракатига устуворлик бериш учун чорраҳа ва кўчаларни қайта лойиҳалашни мувофиқлаштириш юзасидан бошқарма бошлиғига таклифлар киритиш;

• рақамли технологиялар ва инновацион ёндашувларни кенг қўллаган ҳолда транспорт воситалари ҳаракатини бошқаришнинг интеллектуал тизимларини (ақлли чорраҳа, ақлли автобус ва ақлли бекат) жорий этишда иштирок этиш;

• бир транспорт туридан бошқасига қулай ўтишни таъминлаш мақсадида замонавий транспорт-ўтиш боғламаларини ташкил этишда иштирок этиш;

• Тошкент шаҳридаги жамоат транспорти автошоҳбекат ва оралиқ бекатларини умумлаштирилган хатловдан ўтказишда иштирок этиш;

• алоҳида ажратилган йўл бўлаклари ва йўл бўйи пуллик тўхташ жойларини ташкил этишда иштирок этиш;

• юридик ва жисмоний шахслардан келган аризаларни, таклифлар ва шикоятларни кўриб чиқиш, тегишли таклифлар киритиш;

• йўлларнинг реконструкция қилиниши, автошоҳбекатларнинг кўчирилиши, янги иншоотлар барпо қилиниши жараёнида иштирок этиш;

• бўлим фаолияти доирасидаги масалаларга тегишли низом ва йўриқномаларга ўзгартишлар киритиш бўйича таклифлар тайёрлаш.

Дадаев Фаррух Зохидович
1983-йилда Тошкент шаҳрида туғилган.

Маълумоти: 

Меҳнат фаолияти:
Дадаев Фаррух Зохидович

Ҳозирда Тошкент шаҳар транспорт ва йўл-транспорт инфратузилмасини ривожлантириш бош бошқармаси Транспорт тизимини рақамлаштириш шўбаси бошлиғи лавозимида ишлаб келмоқда.

Транспорт тизимини рақамлаштириш шўбаси бошлиғининг асосий функционал вазифалари

1. Рақамли бошқарув ва технологияларни жорий этиш

“Тошкент шаҳар йўловчи ташишни мониторинг ва назорат қилиш” давлат муассасаси ҳамда “Автоматлаштирилган транспорт тўлов тизими операторы” МЧЖ (ATTO) билан ҳамкорликда:

• шаҳар йўловчи транспортини бошқаришда замонавий ахборот-коммуникация технологияларини, навигация (GPS) ва масофадан бошқариш тизимларини, шунингдек онлайн маълумот тўплаш механизмларини жорий этиш;

• автоматлаштирилган диспетчерлик бошқаруви тизими (ASDUM) билан йўловчи ташиш корхоналари фаолиятини интеграция қилиш;

• ахборот-коммуникация технологияларига асосланган ягона автоматлаштирилган диспетчерлик назоратини ташкил этиш.

2. Автоматлаштирилган тўлов тизими ва мониторинг

• жамоат транспортида йўл ҳақи тўловининг автоматлаштирилган тизимини босқичма-босқич жорий этишни таъминлаш;

• ATTO тизими самарадорлигини ошириш, кўрсатилаётган хизматлар сифатини мониторинг қилиш ва натижаларни таҳлил қилиш;

• йўловчи ташиш, йўналишли таксилaр, йўналишсиз таксилaр ва метро фаолияти бўйича жорий, ҳафтанинг, ойлик, чораклик ва йиллик ҳисоботларни тайёрлаш.

3. Мувофиқлаштириш ва тизимлар интеграцияси

• Автомобиль транспортини назорат қилиш бўлими, рухсатномалар бериш ва тендер ташкил этиш сектори ҳамда темир йўл транспорти ва метро хизмати билан ҳамкорликда жамоат транспорти ҳаракатини мувофиқлаштириш;

• халқаро тажрибани ўрганиш ҳамда ASDUM ва ATTO тизимларини янада ривожлантириш бўйича таклифлар ишлаб чиқиш.

4. Ахборот хавфсизлиги ва тўлов ишончлилиги

• аҳолига автоматлаштирилган тўлов тизимининг (ATT) қулайлиги, тезкорлиги ва ишончлилиги ҳақида маълумот бериш, тизимни кенг жорий этиш бўйича Бош бошқарма бошлиғига амалий ёрдам кўрсатиш;

• ATT орқали тўловлар хавфсизлигини ва йўловчилар томонидан тўловларнинг тўғри амалга оширилишини назорат қилиш;

• транспорт тизими маълумотлар базаларининг ахборот хавфсизлигини таъминлаш.

5. Таҳлил ва ҳисобот юритиш

• автоматлаштирилган тизимлардан олинган маълумотларни таҳлил қилиш, бошқарув қарорларини қабул қилишда фойдаланиш;

• транспорт соҳасидаги рақамли кўрсаткичлар асосида стратегик ҳисоботлар шакллантириш;

• шаҳар транспорт тизими рақамлаштириш даражаси бўйича йиллик таҳлилий маълумотлар тайёрлаш.

6. Мурожаатлар ва норматив таклифлар

• юридик ва жисмоний шахсларнинг ариза, таклиф ва шикоятларини кўриб чиқиш, транспорт тизимини рақамлаштириш бўйича тегишли таклифлар киритиш;

• йўловчи ташиш корхоналари фаолиятини такомиллаштириш, намунавий қоидалар ва йўриқномаларга ўзгартишлар киритиш бўйича тавсиялар ишлаб чиқиш.

7. Оператив бошқарув ва назорат

• Тошкент шаҳар йўловчи ташиш йўналишларини автоматлаштирилган диспетчерлик бошқаруви (GPS-мониторинг) орқали назорат қилиш;

• транспорт тизимини рақамлаштириш шўбаси ходимлари фаолиятини ташкил этиш ва назорат қилиш;

• Бош бошқарма вазифаларининг бажарилиши жараёнида Бош бошқарма бошлиғига методик ва техник ёрдам кўрсатиш.