Транспорт ва йўл хўжалигини ривожлантириш бўйича ягона давлат сиёсатини ишлаб чиқиш, амалга ошириш ҳамда норматив-ҳуқуқий тартибга солишни таъминлайдиган, Ўзбекистон Республикаси Транспорт вазирлигига бўйсунувчи ҳудудий бошқарув органи.
Бош бошқарма Транспорт вазирлигига бўйсунади.
Низомни тасдиқлаш ва унга ўзгартишлар киритиш Транспорт вазири ваколатига киради.
Фаолият Ўзбекистон Республикаси Конституцияси ва қонунлари, Олий Мажлис палаталари қарорлари, Президент фармонлари, Вазирлар Маҳкамаси қарор ва фармойишлари, Транспорт вазирлиги буйруқлари ҳамда Бош бошқарма Низоми асосида амалга оширилади.
Давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар билан ҳамкорликда ишлайди.
Давлат тилида (тўлиқ): Тошкент шаҳар транспорт ва йўл-транспорт инфратузилмасини ривожлантириш бош бошқармаси
Қисқартма: Транспорт бош бошқармаси
Рус тилида (тўлиқ): Главное управление транспорта и развития дорожно-транспортной инфраструктуры города Ташкента
Қисқартма: Главное управление транспорта
Инглиз тилида (тўлиқ): Head Department for the Development of Transport and Road Transport Infrastructure of Tashkent City
Қисқартма: Head Department of Transport
Манзил: Ўзбекистон Республикаси, 100000, Тошкент шаҳри, Усмон Носир 1-тор кўчаси, 6-уй.
Мақом: Юридик шахс; муҳр ва бланкаларига эга; мустақил баланс; Иқтисодиёт ва молия вазирлиги ахборот тизимида шахсий ғазна ҳисоб варақлари; миллий ва хорижий валютадаги банк ҳисоб рақамларига эга.
Тошкент шаҳри ҳудудида Транспорт вазирлигига юкланган вазифа ва функцияларни самарали бажариш.
Транспорт ва йўл хўжалиги соҳасида қонунчиликка риоя этилишини назорат қилиш.
Шаҳар транспорт инфратузилмаси ва йўловчи ташиш тизимини ривожлантиришга қаратилган дастурлар ҳамда лойиҳаларни ишлаб чиқиш ва амалга ошириш.
Коммунал ва эксплуатация ташкилотлари фаолиятини мувофиқлаштириш.
«Тошйўловчитрансхизмат» УК ҳамда Тошкент шаҳар транспорт тизимини комплекс ривожлантириш «Лойиҳа офисини» мувофиқлаштириш.
1) Норматив-ҳуқуқий тартибга солиш
Ташувлар ва транспорт объектлари хавфсизлиги бўйича янги ҳужжатлар лойиҳасини ишлаб чиқиш, амалдагиларга ўзгартишлар киритиш бўйича таклифлар тайёрлаш.
Бошқарув органлари ва хўжалик субъектлари томонидан қонун ҳужжатларига риоя этилишини назорат қилиш.
2) Дастурлар, концепциялар ва хавфсизлик
Комплекс дастур ва концепцияларни ишлаб чиқиш ва амалга оширишда иштирок этиш.
Транспорт хавфсизлигини таъминлаш бўйича чора-тадбирлар ишлаб чиқиш.
3) Йўловчи ташиш йўналишлари бошқаруви
Шаҳар, шаҳар атрофи ва вилоят ичидаги шаҳарлараро йўналишларни жойлаштириш бўйича очиқ тендерларни ташкил этиш.
Автоташувчилар, автовокзал ва автостанциялар фаолиятини бошқариш, диспетчерлик назоратини йўлга қўйиш.
Бекатларни хатловдан ўтказиш, уларни қуриш ва реконструкция қилиш бўйича таклифлар тайёрлаш.
4) Лицензиялаш ва рухсатлар
Йўловчи ташиш фаолиятини лицензиялаш, лицензия ва рухсатномаларни кўриб чиқиш ва бериш.
Темир йўл инфратузилмасига чиқиш учун рухсатномаларни ўз вақтида бериш.
5) Брутто-шартнома модели (мунтазам шаҳар автобуси)
Йўналишларни белгилаш, паспорт ва талабларни ишлаб чиқиш.
Иқтисодиёт ва молия органлари билан бошланғич нархларни белгилаш, бюджет маблағларини ҳисоблаш.
Тендер орқали ташувчиларни танлаш ва брутто-шартномалар тузиш.
Иш сифати ва ҳажмини назорат қилиш, ҳисобот шаклларини ишлаб чиқиш.
Норентабел йўналишлар бўйича зарарни қоплаш механизмларини таклиф қилиш.
6) Инфратузилма жойлаштириш ва ободонлаштириш
Бекатлар, диспетчерлик манзиллари ва бошқа объектларни жойлаштириш, қуриш ҳамда ободонлаштириш бўйича таклифлар тайёрлаш.
7) Молиялаштириш ва назорат
Транспорт ва логистикани ривожлантириш жамғармаси маблағларидан мақсадли фойдаланишни назорат қилиш.
Рагбатлантириш маблағлари сарфини кузатиш.
8) Мултимодал ривожланиш — автомобил, темир йўл, авиация ва логистика
Халқаро транспорт коридорлари ва логистика тизимини такомиллаштириш бўйича таклифлар ишлаб чиқиш.
Темир йўл ва авиация транспорти муаммоларини ўрганиш, натижалари асосида ечимлар тайёрлаш.
Авиация инфратузилмаси бўйича инвестиция ва қурилиш лойиҳаларини таклиф этиш.
Давлат ва хўжалик бошқаруви органларидан зарур маълумотларни сўраш ва олиш.
Тегишли органларга кўриб чиқиш учун таклифлар киритиш.
Юкланган вазифа ва функцияларни самарали бажариш.
Ҳужжатлар ва қарорлар лойиҳаларини сифатли тайёрлаш.
Соҳани ривожлантириш бўйича таклифлар ишлаб чиқиш.
Йўл хариталари ва дастурий ҳужжатлар ижросини таъминлаш.
Рухсатномаларни ўз вақтида бериш ва назорат қилиш.
Фуқаролар ҳамда тадбиркорлик субъектларининг ҳуқуқ ва манфаатларини ҳимоя қилиш.
O'zbekcha
Русский
English
Чоп этиш