Ikramov Mirakbar Mirsaitovich
1981-yilda Toshkent shahrida tug‘ilgan.

Ma’lumoti: oliy.
2006-yilda Toshkent aviatsiya institutini marketolog mutaxassisligi bo‘yicha tamomlagan.

Mehnat faoliyati:
Ikramov Mirakbar Mirsaitovich o‘z mehnat faoliyatini “Suvsoz” davlat unitar korxonasining Chilonzor suv taqsimoti bo‘limi nazoratchisi lavozimidan boshlagan.
Shundan so‘ng turli mas’ul lavozimlarda faoliyat yuritgan, jumladan:

• O‘zbekiston Respublikasi Transport vazirligi “O‘zavtovokzal Servis” davlat unitar korxonasi boshlig‘i o‘rinbosari;

• O‘zbekiston Respublikasi Transport vazirligi Toshkent shahar transport va yo‘l-transport infratuzilmasini rivojlantirish bosh boshqarmasi boshlig‘i o‘rinbosari vazifasini bajaruvchisi;

• O‘zbekiston Respublikasi Transport vazirligi Avtomobil va jamoat transporti departamenti boshlig‘i o‘rinbosari – Jamoat transporti boshqarmasi boshlig‘i vazifasini bajaruvchisi;

• Avtomobil va jamoat transporti departamenti boshlig‘i vazifasini bajaruvchisi;

• Avtomobil va jamoat transporti departamenti boshlig‘i.

2024-yildan Toshkent shahar transport va yo‘l-transport infratuzilmasini rivojlantirish bosh boshqarmasi boshlig‘i lavozimida faoliyat yuritmoqda.

Boshqarma boshlig‘ining asosiy funksional vazifalari

1. Huquqiy rioya va umumiy rahbarlik

• O‘zbekiston Respublikasi Konstitutsiyasi, qonunlari va boshqa normativ-huquqiy hujjatlar talablariga qat’iy rioya etishni ta’minlash.

• Bosh boshqarma faoliyatiga umumiy rahbarlikni amalga oshirish, Prezident, Vazirlar Mahkamasi hamda Transport vazirligi topshiriqlari ijrosini tashkil etish va nazorat qilish.

2. Strategik rejalashtirish va natijadorlik

• Bosh boshqarma faoliyati bo‘yicha prognoz ko‘rsatkichlarga erishish uchun amaliy chora-tadbirlarni ishlab chiqish va joriy etish.

• Xodimlar ishini rejalashtirish: boshqarma va o‘rinbosarlar choraklik ish rejalarini tasdiqlash hamda ijrosini nazorat qilish.

• Faoliyat samaradorligi va natijadorligini tanqidiy tahlil qilish, hisobotlarni ko‘rib chiqish va zarur choralarni ko‘rish.

3. Transport tizimini rivojlantirish

• “Toshkent jamoat transportini 2025-yilgacha rivojlantirish konsepsiyasi”ni o‘z vaqtida, sifatli va to‘liq amalga oshirish.

• Jamoat transportining barcha turlarini integratsiya qiluvchi yangi yo‘nalishlar tarmog‘ini joriy etish, metropolitenning jozibadorligini oshirish.

• Yo‘l-transport infratuzilmasi loyihalarini ishlab chiqish va ularning samarali bajarilishini muvofiqlashtirish.

• Axborot-kommunikatsiya texnologiyalari asosida yagona avtomatlashtirilgan dispetcherlik boshqaruv tizimini joriy etish.

4. Ijro intizomi va nazorat

• PQ–2881 (11.04.2017), PQ–3962 (05.10.2018) va VM–12 (12.01.1999) hujjatlari talablariga muvofiq ijro intizomini mustahkamlash.

• Prezident, Vazirlar Mahkamasi va Vazirlik topshiriqlari, hay’at qarorlari hamda buyruqlarning o‘z vaqtida va sifatli bajarilishini ta’minlash.

• Prognoz ko‘rsatkichlar ijrosini tahlil qilish, qo‘shimcha choralar bo‘yicha takliflarni vazirlik rahbariyatiga kiritish.

5. Hamkorlik va tashkiliy boshqaruv

• Mahalliy ijro organlari hamda ijtimoiy-iqtisodiy rivojlantirish sektorlari bilan avtomobil, temir yo‘l, havo va daryo transporti yo‘nalishlarida hamkorlikni yo‘lga qo‘yish.

• O‘rinbosar va boshqa mansabdor shaxslarning vakolatlarini belgilash, ularning shaxsiy mas’uliyatini ta’minlash.

• Boshqarma bo‘limlari va tarkibiy tashkilotlar faoliyatini muvofiqlashtirish va nazorat qilish.

6. Kadrlar siyosati va mehnat intizomi

• Kadrlarni tanlash, joy-joyiga qo‘yish, kadrlar zaxirasini shakllantirish va samarali mehnat sharoitlarini yaratish.

• Kadrlarning professionalligi va axloqiy fazilatlarini ta’minlash.

• Rag‘batlantirish va intizomiy choralar bo‘yicha qarorlar qabul qilish.

• Xodimlar tomonidan odob-axloq qoidalariga rioya etilishini nazorat qilish.

7. Korrupsiyaga qarshi kurash

• “Korrupsiyaga qarshi kurash to‘g‘risida”gi Qonun doirasida profilaktika va huquqbuzarliklarning oldini olish choralarini amalga oshirish.

• Qonunchilik va amaliyotni takomillashtirish bo‘yicha takliflar ishlab chiqish va joriy etish.

8. Qonunchilik tashabbuslari va davlat xizmatlari

• Boshqarma faoliyati bo‘yicha qonunchilikni takomillashtirish takliflarini kiritish.

• Davlat xizmatlari sifati va ulardan foydalanish darajasini oshirish bo‘yicha chora-tadbirlar ishlab chiqish.

9. Jamoatchilik va murojaatlar bilan ishlash

• Jismoniy va yuridik shaxslar murojaatlarini ko‘rib chiqish, ochiq muloqot va shaxsiy qabullarni tashkil etish.

• “Jismoniy va yuridik shaxslar murojaatlari to‘g‘risida”gi Qonun talablariga qat’iy rioya etish.

• Prezidentning Xalq va Virtual qabulxonalari bilan samarali hamkorlikni yo‘lga qo‘yish.

10. Moliyaviy rag‘bat, maxfiylik va huquqiy himoya

• Xodimlarga mukofot, qo‘shimcha to‘lov, moddiy yordam, rag‘bat va intizomiy chora bo‘yicha qarorlar qabul qilish.

• Davlat siri va maxfiy axborotlar bilan ishlashda qonunchilikka rioya etilishini ta’minlash.

• Sudlar va davlat tashkilotlarida Bosh boshqarmaning mulkiy va boshqa manfaatlarini himoya qilish.

Ismoilov Baxtiyorxodja Azizxodjayevich
1980-yil 25-dekabrda Toshkent viloyati Qibray tumanida tug‘ilgan.

Ma’lumoti: oliy.
2017-yilda Toshkent temir yo‘l muhandislari institutini “Menejment (temir yo‘l transporti)” mutaxassisligi bo‘yicha bakalavr darajasida tamomlagan.

Mehnat faoliyati:
Ismoilov Baxtiyorxodja Azizxodjayevich o‘z mehnat faoliyatini Toshkent viloyati Qibray tumani davlat soliq inspeksiyasi inspektori lavozimidan boshlagan.
Shundan so‘ng turli mas’ul lavozimlarda faoliyat yuritgan, jumladan:

• “Avtomobil va daryo transportini rivojlantirishni normativ-texnik ta’minlash Respublikasi markazi” Toshkent shahar filiali texnigi, eksperti, direktor o‘rinbosari;

• O‘zbekiston avtomobil transporti agentligi Toshkent shahar boshqarmasi Avtomobillarda tashuvlar xavfsizligini nazorat qilish sho‘basi mudiri;

• O‘zbekiston avtomobil transporti agentligi Toshkent shahar boshqarmasi Litsenziyalash bo‘limi boshlig‘i o‘rinbosari;

• Toshkent shahar transport boshqarmasi Litsenziyalash sektori boshlig‘i, Litsenziyalash sho‘basi mudiri;

• Avtomobil tashuvlarini nazorat qilish bo‘limi boshlig‘i.

2022-yildan hozirgacha Toshkent shahar transport va yo‘l-transport infratuzilmasini rivojlantirish bosh boshqarmasining Avtomobil tashuvlarini nazorat qilish bo‘limi boshlig‘i lavozimida faoliyat yuritmoqda.

Transport tashuvlarini muvofiqlashtirish bo‘limi boshlig‘ining asosiy lavozim vazifa va funksiyalari

1. Strategik rivojlantirish

1.1. Toshkent shahar jamoat transporti tizimini 2030-yilgacha rivojlantirish konsepsiyasini o‘z vaqtida, sifatli va to‘liq amalga oshirish.
1.2. Jamoat transporti tizimini barcha turlarni uzviy bog‘lagan holda kompleks rivojlantirish, aholining jamoat transportidan foydalanish darajasini kamida ikki barobarga oshirish.
1.3. Jamoat transporti sohasidagi ilg‘or xorijiy tajribalarni o‘rganish va amaliy takliflar kiritish.

2. Transport tarmog‘ini optimallashtirish

2.1. Jamoat transporti harakat tarkibini zamonaviy, ekologik toza avtobuslar, jumladan elektrobuslar bilan yangilash choralarini ko‘rish.
2.2. Toshkent shahrida yo‘lovchi tashish yo‘nalishlari tarmog‘ini tartibga solish va maqbul holga keltirish.
2.3. Yo‘nalishli taksi faoliyatini muvofiqlashtirish, shahar va shahar atrofi yo‘nalishlarini ochish, o‘zgartirish yoki yopish jarayonlarini tashkil etish.
2.4. Yo‘lovchi oqimidan kelib chiqib, metro, tramvay, avtobus, mikroavtobus va yo‘nalishsiz taksilarning zarur miqdorini belgilash.
2.5. “Toshkent shahrida yo‘lovchi transportining harakatini tashkil qilish” rejasini ishlab chiqish va tegishli o‘zgartirishlar kiritish.

3. Tashuvchilar faoliyatini tashkil etish

3.1. Yo‘lovchi tashish faoliyati bilan shug‘ullanuvchi transport korxonalari ishini tashkil qilish.
3.2. Tashuvchilar bilan birgalikda yo‘nalishlarda maqbul jadvallar, hujjatlar va yo‘nalish chizmalarini tayyorlab, Bosh boshqarma rahbariyatiga tasdiqlash uchun kiritish.
3.3. Yo‘llar rekonstruksiyasi, avtoshoxbekatlarning ko‘chirilishi, yangi inshootlar qurilishi yoki yo‘lovchi oqimlarining o‘zgarishi bilan bog‘liq holda yo‘nalish chizmalari va tarmog‘ini qayta ko‘rib chiqish bo‘yicha takliflar tayyorlash.
3.4. Transportda harakat tartibi, jadvallar va xavfsizlik qoidalariga rioya etilishini, haydovchilarning mehnat va dam olish rejimlarini dispetcherlik orqali nazorat qilish.

4. Monitoring va xavfsizlik

4.1. Yo‘nalishlardagi qatnov yo‘llari, svetoforlar va yo‘l belgilari holatini muntazam kuzatish.
4.2. Yo‘l-transport hodisalari yoki tirbandliklarning oldini olish maqsadida vakolatli tashkilotlarga takliflar kiritish.
4.3. Aholining transport xavfsizligi va qulayligini oshirishga qaratilgan tashabbuslarni ilgari surish.

5. Murojaatlar va hujjat aylanishi

5.1. Yuridik va jismoniy shaxslardan kelgan ariza, taklif va shikoyatlarni ko‘rib chiqish, tegishli takliflar tayyorlash.
5.2. Shahar yo‘lovchi transportida ayrim toifadagi fuqarolarga bepul yurish huquqini beruvchi yagona guvohnomalarni berish bo‘yicha huquqiy tushuntirishlar berish.
5.3. Bepul yurish huquqiga oid murojaatlarni ko‘rib chiqish va rasmiylashtirish.

6. Litsenziyalash va normativ ishlar

6.1. Avtomobil transportida yo‘lovchi va yuk tashish faoliyatini shaharda, shahar atrofida, shaharlararo va xalqaro yo‘nalishlarda litsenziyalash bo‘yicha arizalarni ko‘rib chiqish.
6.2. Bo‘lim faoliyati doirasidagi masalalarga oid namunaviy nizom va yo‘riqnomalarga o‘zgartirish kiritish bo‘yicha takliflar tayyorlash.

Jumaniyozov Doniyorbek Rajabboyevich
1988-yilda Xorazm viloyatida tug‘ilgan.

Ma’lumoti: oliy.
2011-yilda Toshkent avtomobil yo‘llar institutini “Kasbiy ta’lim (Yer usti transport tizimi bo‘yicha)” yo‘nalishi bo‘yicha bakalavr, 2013-yilda “Xizmatlar sohasi” yo‘nalishi bo‘yicha magistratura darajasini tamomlagan.

Mehnat faoliyati:
Jumaniyozov Doniyorbek Rajabboyevich o‘z mehnat faoliyatini “O‘zbekiston temir yo‘llari” AJ “Uztemiryo‘lqurilishmontaj” UK “Gidrotexnik inshoatlar qurish direksiyasi” mexanigi lavozimidan boshlagan.
Shundan so‘ng turli mas’ul lavozimlarda faoliyat yuritgan, jumladan:

• O‘zbekiston Respublikasi Transport vazirligi Toshkent viloyati Transport boshqarmasi Avtomobil transporti bo‘limi boshlig‘i;

• O‘zbekiston Respublikasi Transport vazirligi Toshkent viloyati Transport boshqarmasi Avtotransport tashuvlarini muvofiqlashtirish sektori boshlig‘i o‘rinbosari;

• O‘zbekiston Respublikasi Transport vazirligi Toshkent viloyati Transport boshqarmasi Avtotransport tashuvlarini muvofiqlashtirish sektori boshlig‘i;

• O‘zbekiston Respublikasi Transport vazirligi Toshkent shahar transport va yo‘l-transport infratuzilmasini rivojlantirish bosh boshqarmasida tenderlarni o‘tkazish bo‘yicha bosh mutaxassisi.

2024-yildan Toshkent shahar transport va yo‘l-transport infratuzilmasini rivojlantirish bosh boshqarmasi Transport va infratuzilmasini rivojlantirish boʻlim boshligʻi lavozimida faoliyat yuritmoqda.

Transport va infratuzilmasini rivojlantirish boʻlim boshligʻining asosiy funksional vazifalari

• transport va infratuzilmani rivojlantirish, shuningdek, avtomobil to‘xtash joylarini rivojlantirish sohasida shahar dasturlari va loyihalarini ishlab chiqishda takliflar kiritish;

• transport va infratuzilmani rivojlantirish loyihalarini ishlab chiqish, ushbu loyihalarni sifatli amalga oshirish chora-tadbirlarini muvofiqlashtirish yuzasidan boshqarma boshlig‘iga takliflar kiritish;

• transport va infratuzilmani rivojlantirish sohasidagi ilg‘or xorijiy tajribalarni o‘rganish va bo‘lim boshlig‘i hamda boshqarma boshlig‘iga takliflar kiritish;

• jamoat transporti infratuzilmasini rivojlantirish, zamonaviy transport-o‘tish bog‘lamalarini hamda namunaviy loyihalar asosida avtobus bekatlarini tashkil etish, jamoat transporti harakatiga ustuvorlik berish uchun chorraha va ko‘chalarni qayta loyihalashtirishni muvofiqlashtirish yuzasidan boshqarma boshlig‘iga takliflar kiritish;

• raqamli texnologiyalar va innovatsion yondashuvlarni keng qo‘llagan holda transport vositalari harakatini boshqarishning intellektual tizimlarini (aqlli chorraha, aqlli avtobus va aqlli bekat) joriy etishda ishtirok etish;

• bir transport turidan boshqasiga qulay o‘tishni ta’minlash maqsadida zamonaviy transport-o‘tish bog‘lamalarini tashkil etishda ishtirok etish;

• Toshkent shahridagi jamoat transporti avtoshohbekat va oraliq bekatlarini umumlashtirilgan xatlovdan o‘tkazishda ishtirok etish;

• alohida ajratilgan yo‘l bo‘laklari va yo‘l bo‘yi pullik to‘xtash joylarini tashkil etishda ishtirok etish;

• yuridik va jismoniy shaxslardan kelgan arizalarni, takliflarni va shikoyatlarni ko‘rib chiqish, tegishli takliflar kiritish;

• yo‘llarning rekonstruksiya qilinishi, avtoshoxbekatlarning ko‘chirilishi, yangi inshootlar barpo qilinishi jarayonida ishtirok etish;

• bo‘lim faoliyati doirasidagi masalalarga tegishli nizom va yo‘riqnomalarga o‘zgartirishlar kiritish bo‘yicha takliflar tayyorlash.

Dadayev Farrux Zoxidovich
1983-yilda Toshkent shahrida tug‘ilgan.

Ma’lumoti: tugallanmagan oliy.

Mehnat faoliyati: Dadayev Farrux Zoxidovich o'z kasbiy faoliyatini 2521-sonli avto kolonnadan boshlagan 
Shundan so'ng “Toshtransdispetcherxizmat” unitar korxonasida turli lavozimlarda;

Toshkent shahar transport boshqarmasi Avtomobil tashuvlari xavfsizligini taʼminlashni nazorat qilish bo‘limi  bosh inspektori;

Transport tizimini raqamlashtirish sho‘basi bosh mutaxassisi lavozimlarida faoliyat yuritgan

Hozirda Toshkent shahar transport va yo‘l-transport infratuzilmasini rivojlantirish bosh boshqarmasi Transport tizimini raqamlashtirish sho‘basi boshlig‘i lavozimida ishlab kelmoqda.

Transport tizimini raqamlashtirish sho‘basi boshlig‘ining asosiy funksional vazifalari

1. Raqamli boshqaruv va texnologiyalarni joriy etish

“Toshkent shahar yo‘lovchi tashishni monitoring va nazorat qilish” davlat muassasasi hamda “Avtomatlashirilgan transport to‘lov tizimi operatori” MChJ (ATTO) bilan hamkorlikda:

• shahar yo‘lovchi transportini boshqarishda zamonaviy axborot-kommunikatsiya texnologiyalarini, navigatsiya (GPS) va masofadan boshqarish tizimlarini, shuningdek onlayn ma’lumot yig‘ish mexanizmlarini joriy etish;

• avtomatlashtirilgan dispetcherlik boshqaruvi tizimi (ASDUM) bilan yo‘lovchi tashish korxonalari faoliyatini integratsiyalash;

• axborot-kommunikatsiya texnologiyalariga asoslangan yagona avtomatlashtirilgan dispetcherlik nazoratini tashkil etish.

2. Avtomatlashtirilgan to‘lov tizimi va monitoring

• jamoat transportida yo‘l haqi to‘lovining avtomatlashtirilgan tizimini bosqichma-bosqich joriy etishni ta’minlash;

• ATTO tizimi samaradorligini oshirish, xizmatlar sifatini monitoring qilish va natijalarni tahlil qilish;

• yo‘lovchi tashish, yo‘nalishli taksilar, yo‘nalishsiz taksilar va metro faoliyati bo‘yicha joriy, haftalik, oylik, choraklik va yillik hisobotlarni tayyorlash.

3. Muvofiqlashtirish va tizimlar integratsiyasi

• Avtomobil transportini nazorat qilish bo‘limi, ruxsatnomalar berish va tender tashkil etish sektori hamda temir yo‘l transporti va metro xizmati bilan hamkorlikda jamoat transporti harakatini muvofiqlashtirish;

• xalqaro tajribani o‘rganish hamda ASDUM va ATTO tizimlarini yanada rivojlantirish bo‘yicha takliflar ishlab chiqish.

4. Axborot xavfsizligi va to‘lov ishonchliligi

• aholiga avtomatlashtirilgan to‘lov tizimining (ATT) qulayliklari, tezkorligi va ishonchliligini yetkazish, tizimni keng joriy etish bo‘yicha Bosh boshqarma boshlig‘iga amaliy yordam ko‘rsatish;

• ATT orqali to‘lovlar xavfsizligini, yo‘lovchilar tomonidan to‘lovlarning to‘g‘ri amalga oshirilishini nazorat qilish;

• transport tizimi ma’lumotlar bazalarining axborot xavfsizligini ta’minlash.

5. Tahlil va hisobot yuritish

• avtomatlashtirilgan tizimlardan olingan ma’lumotlarni tahlil qilish, boshqaruv qarorlarini qabul qilishda foydalanish;

• transport sohasidagi raqamli ko‘rsatkichlar asosida strategik hisobotlarni shakllantirish;

• shahar transport tizimi raqamlashtirish darajasi bo‘yicha yillik tahliliy ma’lumotlarni tayyorlash.

6. Murojaatlar va normativ takliflar

• yuridik va jismoniy shaxslarning ariza, taklif va shikoyatlarini ko‘rib chiqish, transport tizimini raqamlashtirish bo‘yicha tegishli takliflar kiritish;

• yo‘lovchi tashish korxonalari faoliyatini takomillashtirish, namunaviy qoidalar va yo‘riqnomalarga o‘zgartirishlar kiritish bo‘yicha tavsiyalar ishlab chiqish.

7. Operativ boshqaruv va nazorat

• Toshkent shahridagi yo‘lovchi tashish yo‘nalishlarini avtomatlashtirilgan dispetcherlik boshqaruvi (GPS-monitoring) orqali nazorat qilish;

• transport tizimini raqamlashtirish sho‘basi xodimlari ish faoliyatini tashkil etish va nazorat qilish;

• Bosh boshqarma vazifalarining bajarilishi jarayonida Bosh boshqarma boshlig‘iga metodik va texnik yordam ko‘rsatish.