2026-йилнинг январ-июн ойлари давомида Тошкент шаҳар транспорт тизимини тубдан яхшилаш ва йўловчиларга қулайлик яратиш борасида кенг кўламли ишлар амалга оширилди.
Жамоат транспорти қатнови интенсивлигини ошириш ва аҳоли мурожаатларини инобатга олган ҳолда, 48 та автобус йўналиши бўйича ҳаракат схемалари ва қатнов жадвалларига тегишли ўзгартиришлар киритилди.
Агломерация бўйича: Тошкент шаҳри ва вилояти ўртасидаги боғлиқликни кучайтириш мақсадида 10-сонли (“Хўжақўрғон маҳалласи — Юнусобод 12-даҳа”) янги автобус йўналиши ишга туширилди.
Жорий ҳолат: 2026-йил 1-июл ҳолатига пойтахтимизда жами 169 та автобус йўналиши мавжуд бўлиб, улар орқали кунлик қатновлар сони 24 282 тани ташкил этмоқда.
Президентимизнинг ПҚ-368-сонли қарори ижросини таъминлаш доирасида инфратузилмани модернизация қилишнинг 1-босқичи давом этмоқда:
Бекатлар: 12 та кўча бўйлаб реконструкция ишлари олиб борилиб, бугунги кунда 255 та замонавий бекат ўрнатилди. Йил якунигача бу кўрсаткич 940 тага етказилиши режалаштирилган.
Махсус йўлаклар: Автобусларнинг эркин ҳаракатланишини таъминлаш мақсадида 36 та кўчада умумий узунлиги 88,76 км бўлган алоҳида “А” йўлаклари ташкил этилди. Фурқат кўчаси каби тирбандлик юқори ҳудудларда махсус делиниаторлар (ажратгичлар) ўрнатиш орқали транспорт оқими тартибга солинди.
Ақлли бошқарув: 3 946 та янги светофор қурилмаси ўрнатилди. Интеллектуал транспорт тизими (ИТС) ёрдамида 685 та “ақлли” чорраҳа ташкил этилмоқда. Масалан, Абдулла Қодирий кўчасида ўтказилган оптималлаштириш натижасида ҳайдовчиларнинг йўлга сарфлаган вақти 4 бараварга қисқарди.
Атмосфера ҳавосига таъсирни камайтириш ва пиёдалар хавфсизлигини таъминлаш мақсадида:
9,7 км янги пиёдалар йўлаги барпо этилди.
90,7 км мавжуд велойўлаклар реконструкция қилинди.
Шаҳар бўйлаб 400 дан ортиқ манзилда замонавий велосипед тураргоҳлари ташкил этилди.
Автомобил транспортида йўловчи ташиш хизматларини тартибга солиш ҳамда ноқонуний ташувларнинг олдини олиш мақсадида 2026-йилнинг биринчи ярмида қуйидаги ишлар амалга оширилди:
Лицензияларни расмийлаштириш: Жорий йилнинг январ-июн ойларида жами 13 666 та лицензия ва 49 440 та лицензия варақаси берилди.
Юридик шахслар учун: 33 та лицензия ва 2 172 та лицензия варақаси;
Ўзини ўзи банд қилган шахслар учун: 13 633 та лицензия ва 47 268 та лицензия варақаси расмийлаштирилди.
Давлат бюджетига тушумлар: Ариза берувчилардан ундирилган давлат божлари ҳамда йиғимлар ҳисобига жами 17 млрд 153,7 млн сўм (шундан 16 918,9 млн сўм давлат божи, 234,8 млн сўм йиғимлар) миқдорида маблағ ундирилиб, давлат бюджетига йўналтирилди.
Назорат ва жавобгарлик: Лицензия талаблари ва шартларини бузган 2 та ташувчи корхонанинг фаолияти 10 иш кунига тўхтатилди. Шунингдек, суд қарорига асосан талабларга жавоб бермаган 1 та корхонанинг лицензияси тўлиқ бекор қилинди.
Тошкент шаҳрида мунтазам йўловчи ташиш йўналишларини шаффоф ва адолатли усулда ташувчиларга бириктириш мақсадида Вазирлар Маҳкамасининг 738-сонли қарори ижроси тўлиқ таъминланмоқда:
Тендер жараёнлари: 6 ой давомида 28 маротаба очиқ электрон тендер танловлари ўтказилди. Бу жараён орқали шаҳардаги 203 та йўналиш (170 та автобус ва 33 та йўналишли такси) устидан назорат кучайтирилди.
Самарадорлик: Тендерлар натижасида 6 та автобус ва 38 та йўналишли такси йўналишлари бўйича танловлар ўтказилди.
Янги шартнома тизими: Тендер ғолиблари билан жами 9 та йўналишда хизмат кўрсатиш юзасидан замонавий брутто-шартномалар ҳамда оммавий оферта шартномалари тузилди.
O'zbekcha
Русский
English
Чоп этиш