2026-yilning yanvar-iyun oylari davomida Toshkent shahar transport tizimini tubdan yaxshilash va yo‘lovchilarga qulaylik yaratish borasida keng ko‘lamli ishlar amalga oshirildi.
Jamoat transporti qatnovi intensivligini oshirish va aholi murojaatlarini inobatga olgan holda, 48 ta avtobus yo‘nalishi bo‘yicha harakat sxemalari va qatnov jadvallariga tegishli o‘zgartirishlar kiritildi.
Aglomeratsiya bo‘yicha: Toshkent shahri va viloyati o‘rtasidagi bog‘liqlikni kuchaytirish maqsadida 10-sonli (“Xo‘jaqo‘rg‘on mahallasi — Yunusobod 12-daha”) yangi avtobus yo‘nalishi ishga tushirildi.
Joriy holat: 2026-yil 1-iyul holatiga poytaxtimizda jami 169 ta avtobus yo‘nalishi mavjud bo‘lib, ular orqali kunlik qatnovlar soni 24 282 tani tashkil etmoqda.
Prezidentimizning PQ-368-sonli qarori ijrosini ta’minlash doirasida infratuzilmani modernizatsiya qilishning 1-bosqichi davom etmoqda:
Bekatlar: 12 ta ko‘cha bo‘ylab rekonstruksiya ishlari olib borilib, bugungi kunda 255 ta zamonaviy bekat o‘rnatildi. Yil yakunigacha bu ko‘rsatkich 940 taga yetkazilishi rejalashtirilgan.
Maxsus yo‘laklar: Avtobuslarning erkin harakatlanishini ta’minlash maqsadida 36 ta ko‘chada umumiy uzunligi 88,76 km bo‘lgan alohida “A” yo‘laklari tashkil etildi. Furqat ko‘chasi kabi tirbandlik yuqori hududlarda maxsus deliniatorlar (ajratgichlar) o‘rnatish orqali transport oqimi tartibga solindi.
Aqlli boshqaruv: 3 946 ta yangi svetofor qurilmasi o‘rnatildi. Intellektual transport tizimi (ITS) yordamida 685 ta “aqlli” chorraha tashkil etilmoqda. Masalan, Abdulla Qodiriy ko‘chasida o‘tkazilgan optimallashtirish natijasida haydovchilarning yo‘lga sarflagan vaqti 4 baravarga qisqardi.
Atmosfera havosiga ta’sirni kamaytirish va piyodalar xavfsizligini ta’minlash maqsadida:
9,7 km yangi piyodalar yo‘lagi barpo etildi.
90,7 km mavjud veloyo‘laklar rekonstruksiya qilindi.
Shahar bo‘ylab 400 dan ortiq manzilda zamonaviy velosiped turargohlari tashkil etildi.
Avtomobil transportida yo‘lovchi tashish xizmatlarini tartibga solish hamda noqonuniy tashuvlarning oldini olish maqsadida 2026-yilning birinchi yarmida quyidagi ishlar amalga oshirildi:
Litsenziyalarni rasmiylashtirish: Joriy yilning yanvar-iyun oylarida jami 13 666 ta litsenziya va 49 440 ta litsenziya varaqasi berildi.
Yuridik shaxslar uchun: 33 ta litsenziya va 2 172 ta litsenziya varaqasi;
O‘zini o‘zi band qilgan shaxslar uchun: 13 633 ta litsenziya va 47 268 ta litsenziya varaqasi rasmiylashtirildi.
Davlat budjetiga tushumlar: Ariza beruvchilardan undirilgan davlat bojlari hamda yig‘imlar hisobiga jami 17 mlrd 153,7 mln so‘m (shundan 16 918,9 mln so‘m davlat boji, 234,8 mln so‘m yig‘imlar) miqdorida mablag‘ undirilib, davlat budjetiga yo‘naltirildi.
Nazorat va javobgarlik: Litsenziya talablari va shartlarini buzgan 2 ta tashuvchi korxonaning faoliyati 10 ish kuniga to‘xtatildi. Shuningdek, sud qaroriga asosan talablarga javob bermagan 1 ta korxonaning litsenziyasi to‘liq bekor qilindi.
Toshkent shahrida muntazam yo‘lovchi tashish yo‘nalishlarini shaffof va adolatli usulda tashuvchilarga biriktirish maqsadida Vazirlar Mahkamasining 738-sonli qarori ijrosi to‘liq ta’minlanmoqda:
Tender jarayonlari: 6 oy davomida 28 marotaba ochiq elektron tender tanlovlari o‘tkazildi. Bu jarayon orqali shahardagi 203 ta yo‘nalish (170 ta avtobus va 33 ta yo‘nalishli taksi) ustidan nazorat kuchaytirildi.
Samaradorlik: Tenderlar natijasida 6 ta avtobus va 38 ta yo‘nalishli taksi yo‘nalishlari bo‘yicha tanlovlar o‘tkazildi.
Yangi shartnoma tizimi: Tender g‘oliblari bilan jami 9 ta yo‘nalishda xizmat ko‘rsatish yuzasidan zamonaviy brutto-shartnomalar hamda ommaviy oferta shartnomalari tuzildi.
Русский
Ўзбекча
English
Chop etish