E’LON

2026-yil 16-yanvar
Boshlanish vaqti: soat 14:00

Shahar avtobus yo‘nalishlari bo‘yicha ochiq tender

O‘zbekiston Respublikasi Vazirlar Mahkamasining 2021-yil 6-dekabrdagi
738-sonli qarori talablariga muvofiq, Toshkent shahar hududidagi yo‘nalishli taksi va shahar avtobus yo‘nalishlarini biriktirish bo‘yicha ochiq tender elektron tarzda o‘tkaziladi.

Tenderga qo‘yilgan yo‘nalishlar

Tenderda ishtirok etish shartlari

Ochiq tenderlar faqat elektron axborot tizimi orqali o‘tkaziladi.
Tenderda quyidagi yuridik shaxslar ishtirok etishi mumkin:

• O‘zbekiston Respublikasi hududida ro‘yxatdan o‘tgan;

• Avtomobil transportida yo‘lovchi tashish faoliyatini amalga oshirish huquqini beruvchi tegishli litsenziyaga ega;

• Elektron axborot tizimida ro‘yxatdan o‘tgan.

Tender O‘zbekiston Respublikasi Vazirlar Mahkamasining 738-sonli qarori bilan tasdiqlangan
“Shahar, shahar atrofi, shaharlararo va xalqaro yo‘nalishlarni biriktirish bo‘yicha ochiq tenderlarni elektron tarzda tashkil etish va o‘tkazish tartibi to‘g‘risida Nizom” asosida o‘tkaziladi.

Muhim shartlar

• Tender takliflari e-tender.uztrans.uz axborot tizimi orqali taqdim etiladi;

• Bitta avtotransport vositasi bir vaqtning o‘zida bir nechta tugallanmagan lotlarga kiritilishiga yo‘l qo‘yilmaydi
  (shartnoma amal qilish muddati tugashiga 60 va undan kam kun qolgan holatlar bundan mustasno);

• Tender takliflari belgilangan muddatdan so‘ng qabul qilinmaydi;

• Takliflar taqdim etilgandan so‘ng ularga tuzatish kiritish mumkin emas;

• Qatnashchilarning takliflari axborot tizimi orqali avtomatik tarzda baholanadi.

To‘lov shartlari

Tenderda qatnashish uchun talabgorlar tomonidan:

• Tenderni tashkil etish xarajatlarini qoplash maqsadida
  bazaviy hisoblash miqdorining 30 foizi miqdorida to‘lov amalga oshiriladi;

• To‘lov O‘zbekiston Respublikasi Transport vazirligining quyidagi hisob raqamiga o‘tkaziladi:

Bank: ATB “Ipoteka bank” Chilonzor bo‘limi
Hisob raqami: 4014108604262773422967279
Bank kodi: 00997
STIR: 202811527

Vakolatli organ

Tenderni tashkillashtirish bo‘yicha vakolatli organ:
O‘zbekiston Respublikasi Transport vazirligi
Toshkent shahar transport va yo‘l-transport infratuzilmasini rivojlantirish bosh boshqarmasi

Ma’lumot uchun

☎ Telefon: (+998 71) 202-05-01 (205)