
Ichki ishlar vazirligi ogohlantiradi: texnologiyalar rivojlangan sari, firibgarlikning ham yangi usullari ko‘paymoqda. O‘zingizni himoya qilish uchun oddiy qoidalarga amal qiling:
- Noma’lum manbalardan kelgan .APK fayllarni yuklab olmang va ochmang.
- Ijtimoiy tarmoqlardagi shubhali reklamalarga, ayniqsa "tez boyib ketish" va "imtiyozli kreditlar" haqidagi va’dalarga ishonmang.
- Onlayn xaridlarda mahsulotni ko‘rmasdan turib, олдиндан тўлов (predoplata) qilmang.
- Shubhali raqamlardan kelgan qo‘ng‘iroqlarga javob bermang va shaxsiy ma’lumotlaringizni (kodlar, karta raqamlari) hech kimga aytmang.
Ogah bo‘ling! Kiberjinoyatchilikning qurboniga aylanmaslik o‘z qo‘lingizda.